Lokalitet 2

I aust går det ein «rygg» av bart berg langs med flata frå nord mot søraust. I sør og søraust held flata fram mellom fleire spreidde flekker av bart berg. I vest går det ein «rygg» av bart berg langs med flata frå nord mot søraust.

Lokaliteten er definert av to funnførande prøvestikk: KR14 og KR17. Den er avgrensa av to funntomme prøvestikk og elles delvis av lendetilhøva, særleg i aust og i vest ved område med bart berg. Det er funne 5 funn på lokaliteten som er fordelt på dei to funnførande prøvestikka.

Funna er av avslag (éin flekkjeliknande med retusj og éin flekkjefront) og gjenstandar som éin endeskrapar og éin smalflekkje. Råstoff er av flint. Gjenstandane som er funne på lokaliteten kan brukast til å typologisk datere lokaliteten til tidlegmesolitikum (om lag 9500–8200 f.Kr.).

Avslaga er «flate», noko som er karakteristisk i tidlegmesolitikum og seinare i seinneolitikum, men ettersom råstoffet er svært homogent og hovudsakleg av flint indikerer det ein tidlegmesolittisk datering. Strandforskyvningskurva for området viser at lokaliteten var strandbunden i tidlegmesolitikum og seinare igjen på høgda av tapestransgresjonen i seinmesolitikum. Strandforskyvningskurva samsvarar difor med ein typologisk datering av lokaliteten til tidlegmesolitikum.