Lokalitet 3

I sør held flata fram. I vest heller flata bratt ned ved ein bergvegg til ei myr om lag ti høgdemeter over havet. Lokaliteten er definert av ni funnførande prøvestikk: APK1, APK2, APK3, APK4, APK5, APK6, APK7, APK 12 og APK16.

Den er avgrensa av ni funntomme prøvestikk og elles delvis av lendetilhøva, særleg i nord, aust og vest ved område med bart berg og bratt bergvegg. Det er funne 62 funn på lokaliteten som er fordelt på dei ni funnførande prøvestikka. Funna er av avslag, bitar og eit kjernefragment.

Råstoff er av flint, kvarts og kvartsitt, Gjenstandane som er funne på lokaliteten kan ikkje brukast til å typologisk datere lokaliteten til ein bestemt arkeologisk tidsperiode. Strandforskyvningskurva for området viser at lokaliteten var strandbunden i tidlegmesolitikum (om lag 9500–8200 f.Kr.) og seinare igjen på høgda av tapestransgresjonen i seinmesolitikum (om lag 6300–4000 f.Kr.).