Lokalitet 7

I aust er det bergknausar dekte i vegetasjon og nokre tre med Korevatnet på andre sida. I sør heller flata ned til ein hage og eit hus ved Dalsvågen. Det ligg òg restar av ei tuft frå nyare tid sør på flata.

I vest går det ein bergvegg langs ved flata frå sør mot nord med nokre tre langs i kanten på flata. Lokaliteten er definert av tre funnførande prøvestikk: APK81, APK82 og JA96. Den er avgrensa av tre funntomme prøvestikk og elles delvis av lendetilhøva, særleg i nord og aust ved bergknaus, i sør ved hagen og huset, i vest ved bergveggen.

Det er funne åtte funn på lokaliteten som er fordelt på dei tre funnførande prøvestikka. Funna er av avslag (ein med retusj) og ein eldflint. Råstoff er av flint.

Gjenstandane som er funne på lokaliteten kan ikkje brukast til å typologisk datere lokaliteten til ein bestemt arkeologisk tidsperiode. Strandforskyvningskurva for området viser at lokaliteten var strandbunden i tidlegmesolitikum (om lag 9500–8200 f.Kr.) og seinare igjen på høgda av tapestransgresjonen i seinmesolitikum (om lag 6300–4000 f.Kr.).