Uten navn

Arkeologiske registreringar I nord går myrflata opp over 20 høgdemeter over havet. I aust går berg langs myrflata frå sør til nord som skjermar flata noko mot aust. I sør er det ei lita eksponert bergflate før landskapet gradvis går ned mot 15 høgdemeter over havet.

I vest er det ein liten eksponert bergknaus før landskapet går gradvis ned til 15 høgdemeter over havet. Den er definert av tre funnførande prøvestikk: JA10, JA11 og JA18. Den er avgrensa av fem funntomme prøvestikk i nord, sør og vest og elles delvis av lendetilhøva, særleg i aust av berg.

Alle prøvestikka har lag av blanda silt, sand og grus under torva og sand og/eller grus over berg i botn. Stikka er mellom 40–50 cm djupe og torva og torvmyra er om lag mellom 10–30 cm tjukk. Laga under torva er av funnførande brun og lysebrun silt, sand og grus mellom 20– 50 cm djupt.

I botn er det grå sand og/eller grus over berg Det er funne 13 funn på lokaliteten som er fordelt på dei tre funnførande prøvestikka. Funna er av gjenstandar som avslag og kjernar. Råstoff er av flint, kvarts, kvartsitt og bergkrystall.

Gjenstandane funne på lokaliteten kan ikkje brukast til å typologisk datere lokaliteten til ein bestemt arkeologisk tidsperiode. Strandforskyvningskurva for området viser at lokaliteten var strandbunden i tidlegmesolitikum og seinare igjen tilnærma bunden på høgda av tapestransgresjonen i seinmesolitikum. Strandforskyvningskurva samsvarar med ein datering av lokaliteten til eldre steinalder (om lag 9500–4000 f.Kr.).