Øksnesmarka - Lok. 9

I søraust er det bratt halling ned mot myra og Teinelva. Lok. 7 (id. 304547) ligg omkring 25 m med svak halling sør for lok. 9. Flata ligg i ein opning i skogen, og er omringa av tre.

Grunnen består av myr og grastuer. Dei funnførande massane består av sand og grus og er omkring 20-30 cm tjukke (lag. 2). Det er 60-70 cm med myr over funnførande lag.

I JA.34 kjem ein ned på leire under lag 2, mens i APK.80 var massane så kompakte i botn at ein ikkje kjem djupare. Det er totalt funne to bitar vannrulla/patinert flint og eit avslag i kvarts på lokaliteten. Lokaliteten har vore strandbunde frå tidlegmesolitikum (12 moh - 8550 BC) og fløymt over i seinmesolitikum, ved tapes maximum (13 moh - 5050 BC).

Den har så vore strandbunden igjen frå overgangen til tidlegneolitikum/mellomneolitikum (11 moh - 4050 BC og 9 moh - 3050 BC). Basert på funn av vassrulla og patinert flint, kan lokaliteten vere transgredert og stamme frå tidleg- til mellommesolitikum.